~وحدتي~

أكره الليل لأني أبقى فيه وحدي ..
أنتظر شروق الشمس ولكني أنتظره وحدي..

أكره شعوري بالوحده يجتاحني ألم فظيع كم أكرهك ياوحدتي..

ريح الخزامى

حركه جديدة+فضاوه= أنشودة غريب الليالي

اليوم أتعلمت حركة جديدة كنت دايما أفكر كيف أحط رابط وأكتب فوقه
طبعا الكسل يلعب دوره ولا لو دورت كان عرفت كيف...
المهم هذه تجربه يعني وراح أحط لكم أنشوده ..
..الأنشودة..
كلك يمين وحفظ بإسم

جامعتي

اليوم رحت الجامعه ..
طبعا كنت ماني متحمسه أني أروح لأني طفشاانه
ومالي نفس <-- وكل ماأروح أحس أني مضايقة
لكن لمن أروح أقول في نفسي لو ماجيت راح أندم..
طبعا اليوم كانت حفله لوحده من صحباتي لأنها
أتخرجت وكنا عاملين لها هي مفاجأه <-- يسمح بالأكشن
وكل وحده جابت معاها الي حلى و الي القهوه والشاي
وإلي ماكرونا <-- كذا تنكتب
وأنا جبت نفسي
المهم واحنا متحمسين ننتظر صحبة الشأن تجي وبعدين مره أتاخرت أتصلو
عليها ماترد ويتصلووو ونفس الشي لامجيب شوي أرسلت رساله تقول راحت عليها
نومه وتحاول تجي واحنا عندنا أمل انها تجي لكن قدر الله وماشاء فعل<-- ماجات
وزعلنا وكل وحده أرسلتلها رساله <-- يحسسوها بتأنيب الضمير
وبدأنا الحفله من غير المدعوه ونتخيلها معانا<-- فيس يمسح دمعه نزلت

أتعرفت على بنات جدد أول مره أشوفهم في الجامعه
مع أنهم تخرج<-- يدل على شي
ولعبناا وأتذكرنا أيام زمان ( لعبنا سبت وأحد <-- مافي أحد مايعرفها
لعبنا سباق (طبعا كنا في مبني من كثر ماهو قديم الي تمشي تهتز الأرض تحتها<-- حشى جسر مو مبنى
فتسابقنا عشر بنات <-- خلينا المبنى يشتغل ع الهزاز
وما أبى امدح نفسي لكن أنا ووحده أتعادلنا <-- الأولى مكرر
وشوي مانشوف غير مجموعه أستاذات خرجو يشوفو إيش الي صار <-- على بالهم زلزال
لكن الحمد لله عدت على خير وماأتهزءنا <-- شكلهم حسو اننا فاصلي
ن ولعبنا إنسان حيوان <-- غبااااار كح كح كح
ولعبنا لعبه مادري إيش أسمها بس قديمه برضوا ..
ورقصنا دبكه <--- براااااااااااا

المهم كان يووم مره رائع أنتهى بدمعاتنا <-- غرقنا الجامعه

الشاهد من الموضوع في روايه أخرى مايستفاد :
* لمن تبغو تسوا حفله لشخص بلا مفاجأه بلا أكشن عشان لا تسحب عليكم ويسير أكشن بايخ..
*ألعبو ألعاب زمان بين فتره وفتره <-- لأنه صحي ويأخر الشيخوخه وعيشو حياتكم..
*السباق مهم جدا وينشط الدوره الدمويه ويساعد على
سرعان دقات القلب <-- حصة طب
* لحظة الوداع <-- لاتعليق



برايفت لكـــــــــــــــــــــــــــــــــــــــــل صحباتي :
(أحبكم في الله وأتذكروني بإبتسامة لا بدمعة)

كنت بأرفق صور بس سكرت الموضوع قبل ما أحفظ الصور هع هع ..

أ.هـ <-- أنتهى

أحاسيس مبعثره

*إحساس بالذنب يقتلني..
*إحساس بأني السبب يرهقني ..
*إحساس بفشلي يبكيني..
*إحساس بالعجز يعجزني..
*إحساس بالهم يعتريني..
*إحساس بالحزن يلازمني..


يارب ساعدني وأبعد عني هاالأحاسيس..

ريح الخزامى

~توأمي~

تصعب حياتي يوم ماألقاك..
بجنبي ولا يوم إلي أحتاجك..
فيه،وتصعب دنيتي يوم أبغاك ..
ولا ألقاك حتى في حياتي..


أشتقت لكـ

يارب

يارب لطفك.. يارب يسر..يارب سهل..
يــــــــــــــــــــــــــــــــــــارب..

يوميات معاقبه

اليوم جات ماما صحتني عشان نخرج نتغذا <--- كعادتنا كل يوم جمعه ..
قمت وانا فرحانه لأني جيعانه <--- وهذا حدث نادر من معدتي طبعا قمت ولبست عباءتي وخرجت من غرفتي،،
وأنا فرحانه يلااا إلا واحد من اخواااني يضحك علي ويضحك يضحك مسكييييينه وأنا أيش ؟ أيش في؟ وهوا مازال يضحك ماما وبابا راحو
أنا:راااحو فين؟ قالي :راحو يتغذوا .. وإحنا طيب أخي وهو ينظر الا التلفيزيون وأثار الضحك علي مستمر إحنا معااقبين ، يااسلام ليش طيب؟<--- ويدي على خسري
أخي: عشان مارحنا نصلي العصر<---طيب أنا ايش ذنبي وما ذنب معدتي التي تصدر أصوات الجوع ..
وطبعا مارح أسكت اتصل على ماما فينك ليش رحتو؟ قالت معاقبين أخوانك عشان ماصلو طيب وأنا إيش ذنبي أنا صليت طيب وزعلت <--لأني مازلت أسمع أخي يضحك ويتريق علي وفي روايه يتطنز <-- مو قهر بالله..

وبعد ما اتغذوا ماما وبابا رجعو البيت وبعد المغرب بابا أخذ أخواني المعاقبين يتمشو وأنا جلست حبيسة البيت اندب حظي

مايستفاد من الموضوع:
* إذا أتعاقب احد من أفراد الأسره أتشمت عليه قبل لايتشمت عليك..
*إذا ماصليت العصر راح تتعاقب أشد العقاب ..
* إذا راحو افراد الأسره يتمشو لا تندب حظك ..
ودمتم سالمين وبدون عقابات..

~ترى شوقي قطع فيني كل المسافات~

ترى شوقي قطع فيني كل المسافات*
وشبت بداخلي نار عجز غيرها يطفيها*
يوم أحن لأصحابي تسابقني دموع وآهات*
أظم أشواقي بقلبي وأدفنها وأداريها*
وأحس الناس في دنيا وأنا دنياي بها ونات*
صرخت ومااتت الصرخه صروخ من يداوايها*
شربت من كاس الحزن جرعات*
تفرقنا تباعدنا وسعادتنا نناجيها*
شربت من بين خلاني تركت فيهم بصمات*
صدى ضحكاتنا وأصوات كنا نحكيها*
هذي ماتقصد أزعاجي.. وهذه احبها بالذات*
و هذي تدور جروحي وتحاول تداويها*
أخذنا الوقت وسلينا مع الأيام والساعات*
وين أيامنا الحلوه الي المر يحليها*
سعادتنا غدت ماضي ،،، ماضي إنتهى أو فات*
وبعيش اليوم في ذكرى نفسي نلتقي فيها*



~مو بقلمي لكن بتصرف مني~

إهداء لأخي البرنس

ياأخي العزيز: السلام عليكم ورحمة الله وبركاته...

تمنيااتي لك بمستقبل زاهر
مع خالص حبي ....


كون بخير يا أخي ،،
أختك: أسيرة ذكرياتي